Skoaltour Dichter fan Fryslân begjint yn Wolvegea

22/09/2020

Dichter fan Fryslân, Nyk de Vries, is úteinset mei in tour by middelbere skoallen yn Fryslân del. As earste wie hjoed it Terra Wolvegea oan bar. Yn ‘e rin fan it skoaljier folgje noch sa’n 20 oare lesoptredens op ferskate middelbere skoallen rûnom yn ‘e provinsje.

Mei de litertuer-dichtles wol Nyk de Vries sjen litte wêrom’t literatuer sa moai weze kin. “Ik begjin mei in ferhaal oer spikers en ús heit. Dêrmei wol ik sjen litte dat literatuer net oer ferheven dingen giet, mar oer gewoane dingen. De wrâld yn de boeken kin dy wat leare oer dyn eigen wrâld.”

Ek in fergees skoaloptreden boeke? Dat kin fia dizze link.

FryslânDOK: ‘NYK’ – portret fan Dichter fan Fryslân 2019 – 2021 Nyk de Vries

30/08/2022

Nyk de Vries betinkt as dichter, skriuwer en muzikant hyltyd nije foarmen en wurket dêryn graach gear mei oare keunstners. Hy gie as Dichter fan Fryslân op blokfluit-Alvestêdetocht en makke poëzyfideo’s. De FryslânDOK ‘NYK’, filme troch Herman Zeilstra, is te sjen op 3 septimber bij NPO2 en op 4 septimber by Omrop Fryslân.

Nij gedicht Dichter fan Fryslân

20/07/2022

‘De wierheid’ is it nijste gedicht fan Sigrid Kingma as Dichter fan Fryslân. Hjoed ek te lêzen yn it Friesch Dagblad, de Leeuwarder Courant en op de webside fan Omrop Fryslân.