Gedicht Dichter fan Fryslân te lêzen fanút de loft

21/04/2020

Nyk de Vries skreau as Dichter fan Fryslân foar it projekt ‘Fryslân fan Boppen’ in gedicht dat oer de strannen fan de fjouwer Fryske Waadeilannen útskreaun wurde sil. De bewenners fan de Waadeilannen skriuwe op alle fjouwer eilannen in strofe út op it strân.

No freed 24 april is de útstjoering fan ‘Fryslân fan Boppen’ op Omrop Fryslân TV mei dêryn de dronebylden fan de eilannen sadat it gedicht fan boppe te lêzen wêze sil. ‘Fryslân fan Boppen’ wurdt útstjoerd fan 14:00 – 16:00 oere en om 21:30 oere. Fansels binne de bylden ek werom te sjen fia ‘Utstjoering mist’ en de Facebookside fan it projekt Dichter fan Fryslân.

Foar ‘Fryslân fan Boppen’ kinne minsken in boadskip op ‘e grûn meitsje om de ynwenners fan Fryslân in hert ûnder de riem te stekken. Twa wiken lang fleane alle wurkdagen drones boppe de provinsje om dy boadskippen en minsken te filmjen. De bylden wurde útstjoerd op Omrop Fryslân, by de Ljouwerter Krante en op de Facebookside fan LF2028. ‘Fryslân fan Boppen’ is in inisjatyf fan de Fryske gemeenten, LF2028 en de provinsje Fryslân yn gearwurking mei Omrop Fryslân en de Ljouwerter Krante.

Lêste gedicht Nyk de Vries as Dichter fan Fryslân

13/10/2021

Hjoed ferskynde alwer it lêste gedicht fan Nyk de Vries as Dichter fan Fryslân. Diskear in gedicht spesjaal yn it teken fan Rôze Sneon.

Bekendmakking nije Dichter fan Fryslân

11/10/2021

Op freedtemiddei 12 novimber om 16:00 oere wurdt tidens Explore the North de nije Dichter fan Fryslân bekendmakke yn de Westerkerk yn Ljouwert.