Juster gie op Omrop Fryslân TV de lêste fan in seary fan sân poëzijfideo’s fan Nyk de Vries as Dichter fan Fryslân yn premjêre. Dizze lêste poëzijfilm is in ferfilming fan it gedicht ‘Unwis’.
Yn it projekt mei filmmakker Herman Zeilstra binne sân gedichten fan de Dichter fan Fryslân ferfilme. Geandewei dit jier waarden der meardere poëzijfideo’s útstjoerd fia Omrop Fryslân TV.
De fideo’s binne ek online te sjen fia dizze webside, Leeuwarden City of Literature, Leeuwarden-Fryslân 2028, de Leeuwarder Courant, it Friesch Dagblad en de webside fan Omrop Fryslân.