Lêste poëzijfideo Dichter fan Fryslân, Nyk de Vries, yn premjêre

05/11/2021

No snein 7 novimber giet de lêste poëzijfideo fan de Dichter fan Fryslân, Nyk de Vries, yn premjêre op Omrop Fryslân TV. Dizze nijste en lêste poëzijfideo is in ferfilming fan it gedicht ‘Unwis’.

De fideo is te sjen om 17:50 oere en wurdt dêrnei alle oeren werhelle. De fideo is in dei letter ek te sjen fia dizze webside, Leeuwarden City of Literature, Leeuwarden-Fryslân 2028, it Friesch Dagblad en de Leeuwarder Courant.

Yn it fideoprojekt mei filmmakker Zeilsteen NL binne sân gedichten fan de Dichter fan Fryslân ferfilme en útstjoerd fia Omrop Fryslân TV.

In part fan de poëzijfilms sil ek te sjen wêze op it Noordelijk Film Festival tidens ‘Poëcinema’ op sneon 13 novimber yn Neushoorn. Der binne noch kaarten beskikber. Sjoch foar mear ynformaasje op de webside fan it Noordelijk Film Festival.

Nij gedicht Dichter fan Fryslân

02/05/2022

‘Wjuklam’ is it nijste gedicht fan Sigrid Kingma as Dichter fan Fryslân. Hjoed ek te lêzen yn it Friesch Dagblad, de Leeuwarder Courant en op de webside fan Omrop Fryslân.

Dichter fan Fryslân útnûge foar literêr festival op Sardinië

14/04/2022

Dichter fan Fryslân Sigrid Kingma is útnûge foar in literêr festival op Sardinië. Dat hearde se tiisdeitejûn by in besite fan in delegaasje fan Italiaanske taalminderheden oan Fryslân.