Advyskommisje Dichter fan Fryslân bekend

08/07/2021

Wa wurdt de nije Dichter fan Fryslân? Novimber dit jier wurdt bekend makke wa’t Nyk de Vries, de hjoeddeistige Dichter fan Fryslân, opfolget. Deputearre Steaten hawwe in advyskommisje frege om mei in foardracht te kommen. Dêryn sitte Cilla Geurtsen, Annemary Lindeboom en Tsead Bruinja.

Ien kear yn de twa jier wurdt in nije dichter fan Fryslân keazen. Dy titel giet nei in dichter fan wa’t it wurk heech op kwaliteit, eigensinnigens en meartaligens skoart. Ek affiniteit mei keunst, orizjinaliteit en presintaasje telle mei. Eeltsje Hettinga wie de earste dy’t de titel fertsjinne, Nyk de Vries de twadde. De Dichter fan Fryslân skriuwt alle jierren op syn minst seis Frysktalige gedichten en treedt yn alle gefallen twa kear yn ‘t jier op as Dichter fan Fryslân. Yn syn rol is hy ambassadeur fan de Fryske poëzy.

Cilla Geurtsen is dosinte Nederlânsk en resinsint foar de Ljouwerter Krante. Ek wie hja foarsitter fan de Gouden Gurbe sjuery. Annemary Lindeboom is sels dichter en oprjochter fan it wurdkeunstnersplatfoarm ‘Dichter by Leeuwarden’. Tsead Bruinja wie Dichter des Vaderlands yn 2019 en 2020 en skriuwt gedichten yn sawol it Frysk as it Nederlânsk.

FryslânDOK: ‘NYK’ – portret fan Dichter fan Fryslân 2019 – 2021 Nyk de Vries

30/08/2022

Nyk de Vries betinkt as dichter, skriuwer en muzikant hyltyd nije foarmen en wurket dêryn graach gear mei oare keunstners. Hy gie as Dichter fan Fryslân op blokfluit-Alvestêdetocht en makke poëzyfideo’s. De FryslânDOK ‘NYK’, filme troch Herman Zeilstra, is te sjen op 3 septimber bij NPO2 en op 4 septimber by Omrop Fryslân.

Nij gedicht Dichter fan Fryslân

20/07/2022

‘De wierheid’ is it nijste gedicht fan Sigrid Kingma as Dichter fan Fryslân. Hjoed ek te lêzen yn it Friesch Dagblad, de Leeuwarder Courant en op de webside fan Omrop Fryslân.