Dichter fan Fryslân » Dichter fan Fryslân sjuerylid ultrakoarte ferhalewedstriid Ensafh

Nyk de Vries, nimt as Dichter fan Fryslân, in sit yn de sjuery fan de ultrakoarte ferhalewedstriid fan literêr tydskrift Ensafh.

Ensafh hat begjin fan it jier in oprop dien ta it skriuwen fan tige koarte ferhalen foar de ‘Lange koartproazajûn’ dy’t op 27 novimber yn De Bogt fan Guné te Frjentsjer holden wurdt. De redaksje fan Ensafh ropt elkenien op om in koart ferhaal fan net mear as 250 wurden yn te stjoeren.

De sjuery bestiet fierder út Gerbrich de Jong (frisist, nearlandikus en dosinte oan ’e learare-oplieding NHL) en Anne Feddema (skriuwer, byldzjend keunstner en redaksjelid).

It koarte ferhaal fan op syn heechst 250 wurden kin ynstjoerd wurde nei ensafhproaza@gmail.com oant 1 july 2020. Alle (streek)talen dy’t yn Fryslân brûkt wurde, binne dêrfoar tastien. It ferhaal moat opstjoerd wurde yn in word-bestân, mei fermelding fan namme, adres en tillefoannûmer.

Gedicht Dichter fan Fryslân op foarside Leeuwarder Courant

13/02/2023

Skriuwers en dichters stean massaal achter de bedrige skriuwer Pim Lammers. De Leeuwarder Courant frege de Dichter fan Fryslân om in gedicht te skriuwern foar it frije wurd. Sneon 11 febrewaris stie har gedich ‘Frije murd’ op de foarside fan de Leeuwarder Courant.

Poëzijwedstriid Dichter fan Fryslân

01/02/2023

Om Fryske poëzy nei middelbere skoallen te bringen, organisearret Dichter fan Fryslân Sigrid Kingma in poëzijwedstriid. De fiif bêste gedichten dy’t oan de opdracht foldogge, wurde as poster profesjoneel foarmjûn en ferspraat op alle middelbere skoallen yn Fryslân. De dichters winne dêrby in bedrach fan €200,-. Elkenien kin meidwaan, meardere gedichten ynstjoere mei ek.