Tiisdei 17 july is de app ‘Taal fan it hert’ presintearre. Op inisjatyf fan de Provinsje Fryslân is in tsien jier âlde útjefte fan it boekje ‘Taal fan it hert’ fernijd en no ek beskikber as smartphone app.
Spesjaal foar dizze app skreau de Dichter fan Fryslân, Eeltsje Hettinga, it gedicht ‘It klappen fan de dyk’ dat yn it Dútsk, Ingelsk, Nederlânsk en Frysk werom te finen is yn de app en yn bygeande brosjuere.
De app is foar toeristen en Friezen dy’t mear fan it Frysk, de Friezen en Fryslân witte wolle. De ‘Taal fan it hert’-app is te downloaden yn de Play Store fan Androïd en de App Store fan Apple.