Dichter fan Fryslân » Presintaasje poëzijmasine Dichter fan Fryslân

Op sneon 3 febrewaris fûn yn Tresoar de feestlike start plak fan de fjouwer poëzijmasines fan de dichters Grytsje Schaaf, Sytse Jansma, Elmar Kuiper en de Dichter fan Fryslân, Eeltsje Hettinga.

De dichters wurken foar dit bysûndere Lân fan Taal-projekt gear mei de keunstners Kaneli en Smit, Machteld van Buren en Hans Wijnbergen. Mei de foardracht fan it gedicht ‘Au Musée’ iepene de Dichter fan Fryslân de eksposysje fan de poëzijmasines yn Tresoar. De masines binne noch it hiele jier te bewûnderjen.

Utnûging beneaming nije Dichter fan Fryslân

11/11/2019

Utnûging! Op tongersdei 21 novimber om 15:30 oere binne jo fan herte útnûge om oanwêzich te wêzen by de feestlike ynstallaasje fan de nije Dichter fan Fryslân. De offisjele beneaming troch deputearre Sietske Poepjes fynt plak yn de ‘Stadskas’ op it Aldehoustertsjerkhôf, tidens it Explore the North Festival yn Ljouwert.

De dagen fan de dichter Slauerhoff op Jorwert – Fan Kropotkin oant Gorter

09/11/2019

Op de Jorwerter pastorij, dêr’t hjoed-de-dei skriuwer Geert Mak wennet, kaam yn de dagen dat dominy Cornelis Hille Ris Lambers dêr, begjin 20ste ieu, syn domisylje hie, alderhande folk del, fan de bern fan de kommunistyske predikant Benjamin Boers fan Reduzum oant en mei Oene Noordenbos, de lettere oprjochter fan de PSP (Pacifistisch Socialistische Partij). […]