In dikke wike nei de iepening fan de ynskriuwingsperioade, binne de earste sollisitaasjes foar ‘Dichter fan Fryslân’ al binnen. Ek meidwaan? Stjoer dan fia it ynskriuwingsformulier dizze webside in koarte motivaasje en ien nij selsskreaun Frysktalich gedicht.
Op dizze webside fynst ek mear ynformaasje oer de proseduere, wat wy freegje en wat wy biede. De ynskriuwingsperioade rint oant snein 10 septimber. Noch 43 dagen …
‘Minder wifi, mear poëzy!’ is it nijste gedicht fan Arjan Hut as Dichter fan Fryslân. Hjoed ek te lêzen yn it Friesch Dagblad, de Leeuwarder Courant en op de webside fan Omrop Fryslân.
Arjan Hut (Drachten, 1976) is hjoed op it Explore the North-festival yn Ljouwert troch deputearre Eke Folkerts offisjeel beneamd ta nije Dichter fan Fryslân. De beneaming is foar twa jier. Arjan Hut is de fjirde Dichter fan Fryslân en de opfolger fan Sigrid Kingma, dy’t hjoed ôfskied naam fan har funksje as Dichter fan Fryslân.