Freed 28 maaie, in dei foar de Nationale Boekenweek, ferskynt der in nije útjefte fan Nyk de Vries, in blomlêzing mei de moaiste proazagedichten fan de Dichter fan Fryslân mei yllustraasjes fan Willie Darktrousers, alias Emiel Joormann.
De bondelpresintaasje is digitaal te folgjen. De presintaasje wurdt ynlieden troch de koarte animaasjefilm ‘Foarútgong’, dy’t Willie Darktrousers en Nyk makke ha by ien fan de ferhalen út de bondel.
‘Minder wifi, mear poëzy!’ is it nijste gedicht fan Arjan Hut as Dichter fan Fryslân. Hjoed ek te lêzen yn it Friesch Dagblad, de Leeuwarder Courant en op de webside fan Omrop Fryslân.
It meast legindaryske en baanbrekkende gedicht ea skreaun is The waste land fan T.S. Eliot. It is hûndert jier âld, mar ynspirearret noch alle dagen skriuwers, lietskriuwers en filosofen: fan Stephen King oant Bob Dylan en Nick Cave oant Francis Ford Coppola. Regisseur Chris Teerink lit yn dizze foto-film – mei in werklik prachtige soundtrack fan Blaudzun – sjen hoe ’t de triedden fan T.S. Eliots ferneamde gedicht noch dwers troch ús tiid rinne.