Dichter fan Fryslân, Nyk de Vries, op Dichters in de Prinsentuin 2020

01/07/2020

Nyk de Vries is ien fan de hast 70 dichters dy’t meidocht oan de alternative edysje fan Dichters in de Prinsentuin. It festival fynt dit jier plak yn it wykein fan 10 o/m 12 july.

Troch de koronamaatregels is der diskear in alternatyf programma gearstald. Sa sil der in festival op papier ferskine as bylage fan de Groene Amsterdammer en wurdt it fia de app VERS mooglik om gedichten te belústerjen yn de Grinzer Prinsentuin en Ommelanden sadat it publyk in eigen festival en poëzijrûtes gearstalle kin.

Mear ynformaasje fia: https://www.noordwoord.nl/dichtersindeprinsentuin/

 

Poëzijwedstriid Dichter fan Fryslân

01/02/2023

Om Fryske poëzy nei middelbere skoallen te bringen, organisearret Dichter fan Fryslân Sigrid Kingma in poëzijwedstriid. De fiif bêste gedichten dy’t oan de opdracht foldogge, wurde as poster profesjoneel foarmjûn en ferspraat op alle middelbere skoallen yn Fryslân. De dichters winne dêrby in bedrach fan €200,-. Elkenien kin meidwaan, meardere gedichten ynstjoere mei ek.

Nij gedicht Dichter fan Fryslân

27/01/2023

‘Alde freonen’ is it nijste gedicht fan Sigrid Kingma as Dichter fan Fryslân. Hjoed ek te lêzen yn it Friesch Dagblad, de Leeuwarder Courant en op de webside fan Omrop Fryslân.