Presintaasje twatalige útjefte gedicht ‘Nachtspraak’ en ûntbleating poëzijstien

16/09/2019

Skriuwer-dichter Eeltsje Hettinga reflektearret yn syn poëzy gauris op aktueel maatskiplike ûnderwerpen. Ek út syn wurk as Dichter fan Fryslân (2017-2019) sprekt dat engaazjemint. Yn ‘Nachtspraak’, in lang gedicht oer de fûnling Kaspar Hauser, leit Hettinga ûnder mear in ferbân mei de hjoeddeiske flechtling.

Op 26 septimber om 11.30 oere wurdt op it plein foar de Blokhúspoarte de poëzystien mei syn gedicht ‘Net te beteljen’ oer frijwilligers ûntbleate: dat is in inisjatyf fan it Prins Bernhard Fûns. Dêrnei om 12.15 oere sil útjouwerij Perio de troch Richard Bos typografysk bysûnder fersoarge útjefte fan it gedicht ‘Nachtspraak’ presintearje. It byldwurk is fan Anne Feddema. Skriuwer-ûndersiker Pieter Breuker jout in taljochting op it gedicht. De presintaasje fynt plak yn De Schepperij, Oude Oosterstraat 14 yn Ljouwert.

De twatalige útjefte fan it gedicht ‘Nachtspraak’ wurdt útjûn troch Utjouwerij Perio.

Premjêre sechde poëzijfideo Dichter fan Fryslân – ‘Lok’

20/09/2021

No snein giet op Omrop Fryslân TV de sechde fan in seary poëzijfideo’s fan Nyk de Vries as Dichter fan Fryslân yn premjêre.

Fluitsjend troch Fryslân mei it Cohda Kwartet en de Dichter fan Fryslân

09/08/2021

Yn it wykein fan 28 en 29 augustus bringe de Dichter fan Fryslân, Nyk de Vries en de fjouwer blokfluitisten fan it Cohda Kwartet mei in bysûnder programma fan muzyk en poëzij in besite oan de alve Fryske stêden. It earste konsert fynt plak op sneontemoarn yn teater De Bres yn Ljouwert. Fia bysûndere lokaasjes […]