Op freed 2 febrewaris fersoarge de Dichter fan Fryslân de poëtyske iepening fan it Lân fan Taal-gebou OBE op it Aldehoustertsjerkhôf yn Ljouwert.
It iepeningsgedicht ‘De Tocht de Taal’ is yn it Frysk, Nederlânsk en yn it Ingelsk ek werom te lêzen op dizze webside. De Nederlânske oersetting is fan Elske Schotanus, de Ingelske oersetting is fan David Colmer.
Mei in oplage fan 77.000 stiks slút Eeltsje Hettinga syn dichterskip as Dichter fan Fryslân ôf en bringt er mei in grutte seleksje fan syn Dichter fan Fryslân-gedichten de poëzij oan ‘e doarren.
Nyk de Vries is hjoed op it Explore the North-festival yn Ljouwert troch deputearre Poepjes beneamd ta nije Dichter fan Fryslân. De beneaming is foar twa jier. Nyk de Vries folget Eeltsje Hettinga op dy’t hjoed ôfskied naam fan syn funksje as earste Dichter fan Fryslân.