De Dichter fan Fryslân, Eeltsje Hettinga stiet moarn tusken 13:00 en 17:00 oere, tegrearre mei tsientallen oare dichters, op it ‘Theeveld’ fan de Grinzer Prinsentuin tidens de 21e edyzje fan Dichters in de Prinsentuin.
Freed, sneon en snein oerenlang de moaiste gedichten út Fryslân, Nederlân en België. De tagong is fergees. Sjoch op de webside fan Dichters in de Prinsentuin foar it programma en alle dielnimmende dichters.
‘Minder wifi, mear poëzy!’ is it nijste gedicht fan Arjan Hut as Dichter fan Fryslân. Hjoed ek te lêzen yn it Friesch Dagblad, de Leeuwarder Courant en op de webside fan Omrop Fryslân.
Arjan Hut (Drachten, 1976) is hjoed op it Explore the North-festival yn Ljouwert troch deputearre Eke Folkerts offisjeel beneamd ta nije Dichter fan Fryslân. De beneaming is foar twa jier. Arjan Hut is de fjirde Dichter fan Fryslân en de opfolger fan Sigrid Kingma, dy’t hjoed ôfskied naam fan har funksje as Dichter fan Fryslân.