Dichter fan Fryslân op it Oranjewoud Festival

28/05/2018

Snein 3 juny presintearje fideokeunstner Lotte Middendorp en skriuwer-dichter Eeltsje Hettinga op it Oranjewoudfestival in heal oere duorjend film- en poëzieprogramma. Dêryn ek de première fan harren nije film Reid – Wurd – Wyn, ûnderdiel fan it multymediale poëzyprojekt It Font.

Lotte Middendorp en Eeltsje Hettinga jouwe in ynlieding op harren gearwurkingsprojekt dat wilens oer mearder jierren rint en litte sjen dat de bylden net samar in plaatsje by in praatsje binne. As Dichter fan Fryslân draacht Hettinga in tal oan de films relatearre gedichten foar, ûnder mear it alderearste It Font-gedicht ‘In spegel de see’.

Yn it wurk fan beide keunstners binne byldzjende keunst, foardracht, muzyk en poëzy op in sterk sintúchlike manier mei-inoar ferweve. It wetter, de kust en de see foarmje de reade tried yn it gehiel.

Films út It Font, mei ûnder oaren de shortmovie It Let dy’t snein ek yn Oranjewoud fertoand wurdt, wiene earder te sjen op de Frankfurter Buchmesse, Museum Belvédère en it Fries Museum yn Ljouwert.

 

Snein 3 juny om 19:00 oere yn ‘t Proevertje op it Oranjewoud Festival, tagong fergees

Yn memoriam Jelle Kaspersma (1948-2019) – Syn dichtsjen in bûtfiskjen

19/02/2019

Fan ‘t wykein is hinnegien de dichter Jelle Kaspersma (1948), by libben fisker, ûnderwizer, skilder, tekener en kenner fan de Yndiaanske literatuer. Fjildman as er wie, besocht er de lêste jierren omtrint alle dagen in foech tritich, fjirtich kilometer te fytsen, in manier ek om syn longkrupsje de baas te bliuwen.

Oersetwedstriid Dichter fan Fryslân

07/02/2019

De Dichter fan Fryslân, Eeltsje Hettinga, freget, yn gearwurking mei It Skriuwersboun om de bêste Nederlânske oersetting fan syn gedicht ‘De redens fan it wurd’.